"මේ මොකද හෝම්ස් උඹ ජොකා පිටින්.හඩ්සන් ගෑණිත් සැරින් සැරේට උඩට ඇවිත් යනව.එහෙව් එකේ උඹ ගල් පඹය වගේ මෙහෙම ජොකෙක් ඇඳන් ඉන්න එක හරිද?" හෝම්ස් අසභ්ය ආකාරයෙන් ඉන්න නිසා මම ඇසුවෙමි.
"ඇයි දැන් උඹ කියන්නෙ මට මේකත් නැතුව ඉන්න කියලද?" හෝම්ස් කීවේ සුපුරුදු වචාල මුඛයෙනි
"ඈ බං හෝම්ස් උඹ කැළණියෙ ලොකු නැන්දලහ ගිය වෙලාවෙ කැම්පස් එකේ කෙල්ලො ටික ඇවිත් උඹේ කලිසම ගලවගත්තද?" මා ඇසුවේ උපහාසයෙනි.
"එව්ව කොහෙද වොට්සන් මාත් එක්ක.හැබැයි කෝකටත් කිියල කැම්පස් එක ළඟින් එද්දි මං ලොකු නැන්දගෙ දිග සායක් ඉල්ලගෙන ඇඳගෙනයි ආවෙ.ආරක්ෂක පූර්වෝපායක් විදියට කැම්පස් එක ළඟින් යන හැම එකාම දැන් දිග සායවල් ඇඳගෙනයි යන්නෙ වොට්සන්.කරුමෙ කියන්නෙ ඩෙනිමක් පේන්න බෑ.කැම්පස් කාරයො ටික ඒක ගලෝගන්නව කියහංකො." හෝම්ස් කීවේ බැරෑරුම් අයුරිනි.
"නෝන්ඩි කරන්න එපා යකෝ.ඒක තමයි උප සංස්කෘතිය කියන්නෙ.අනික අට පාස් නැති,වැස්සකටවත් කැම්පස් ගියෙ නැති උඹ වගේ මරිමෝල් හඩ්ඩෙක්ගෙ කලිසමක් උන්ට මොනව කරන්නද." මම කීවෙමි.
"ගහප් පයින් දැනගං.සයිටම් එකෙන් MBBS එක අරගෙන රට පොයි ගහන අලයා." එවර හෝම්ස්ට මලපැන තිබිනි.එවෙලෙහිම හෝම්ස්ගේ ෆෝන් එකට එක ළඟ කෙටි මිස් කෝල් 2ක් වැදිණි.හෝම්ස්ගේ මුහුණේ සිනා රැල්ලක් ඇඳී ගිය අතර තවදුරටත් මට බැනවැදීමේ අදහස ඌට අමතක විය.
"ඇත්තමයි මේ උණුසුම නම් ඉවසන්නම බෑ වොට්සන්.ඒකයි මං මේ ජොකා පිටින් ඉන්නෙ.ව#ලටත් පොඩි හුලං පාරක් වදින්න කියල යටින් හිල් දෙකක් හදාගත්ත...මේ." හෝම්ස් ජොකාගේ වූ හිල් දෙකක් පෙන්වමින් මට කීවේය.
"අනේ නිකං ෆල ෆල හෝම්ස්.ඕක ජොකා දිරල ගියපු නිසා හිල්වෙච්ච එකක්නේ බං.අනික ඕක උඹ ඒලෙවල් කරන කාලෙ කැන්ඩි ෆැෂන් එකෙන් උස්සපු ජොකා නේද" මීට වසර බර ගාණකට පෙර හෝම්ස් කැන්ඩි ෆැෂන් එකේදි ෂර්ට් එකක් ෆිටොන් කරන මුවාවෙන් ෆිටොන් රූම් එකක් ඇතුලට ජොකෙක්ද ගෙන ගොස් ඇතුලෙදි ඒක ඇඳගෙන ගානට ඉස්සූ අයුරු මට සිහිපත් විය.පසුව ඔහු ඒ ජොකා අපට පෙන්වමින් දැවැන්ත පොයියක් ගැසූ අතර සෑහෙන්න දුර්වර්ණ වී තිබුනද මේ ඒ ජොකාම බව හඳුනාගැනීමට මට හැකිවිය.
"ඔව් බං.කොච්චර පරණ උනත් මං මේ ජොකාට ආදරෙයි වොට්සන්.ඒක හරිම කම්ෆටබල්." කට උල් කරමින් හෝම්ස් කීවේය.එවෙලේද හෝම්ස්ගේ දුරකථනයට තරමක් දිග මිස්කෝල් එකක් වැදුනු අතර ක්ෂණිකව විරාම ඝටිකාවක් ක්රියාත්මක කල හෝම්ස් යම් කාලයක් මැන කුඩා කොල කැබැල්ලක යමක් සටහන් කරගත්තේය.
"කවුද හෝම්ස් ඔය සැරින් සැරේට මිස්කෝල් ගහන එකා?" සැක උපදවන අයුරින් මිස්කෝල් කිහිපයක් වැදුනු නිසා මම ඇසුවෙමි.
"එකා එකා කියන්න එපා මිත්රයා.මේක තමා මේ දවස්වල මගේ අලුත් පතල.තාම හාරන්න හම්බුනේ නෑ හැබැයි.යුගයේ බඩුව ගල් චමරි" හෝම්ස් කීවේ ආඩම්බරයෙනි.
"ටහිකේ හෝම්ස්.කොහොමද උඹ ඒකට කොක්ක ගැහුවෙ?"
"දක්ෂතාවය තමයි වොට්සන්.එදා මරිජුව සංවිධානය කරපු මැයි රැළියට ගිය වෙලාවෙ මං ඒකිට බැල්මට් එක දාගෙනමයි හිටියෙ.මං දැක්ක ඒකි ලඟ තිබුනෙ HTC ෆෝන් එකක්.සෙනග අස්සෙම මං ඒකිට පු# දුන්න වොට්සන්.මං හෙමීට ඒකිට කිට්ටු කරල කිව්ව ඇපල්,සැම්සුන්ග් ෆෝන් නම් මෙලෝ රහක් නෑ.HTC බ්රෑන්ඩ් එකට ගහන්න ආයෙ ලංකාබෙල් වලටවත් බෑ.සුපිරිම කැමර් කොලිටිය,ෆේක් කලර්ස් නම් කවදාවත් වදින්නෙ නෑ.අපිට ඕන ඕන විදියට බැටරිය රිමූව් කරගන්න පුලුවන්.චාජ් කලොත් තොරණකට කරන්ට් එක දෙන්න තරම් බැටරි පවර් තියෙනව,ඉන්ටර්නෙට් යද්දි ලිප ලඟ තිබ්බත් රත් වෙන්නෙ නෑ.HTC ඇවිල්ල සුප්පම ෆෝන් එකක්.කියල අති කුජීතම විදියට පු# දෙන්න මං අමතක කලේ නෑ වොට්සන්.මගේ ටෝක් එකට කොරවෙලා ගියපු ගල් චමරි මාත් එක්ක ෆිට් වෙච්ච පාර ඒකිගෙ නම්බරෙත් මට දීල ගියා.අන්නේකයි." හෝම්ස් කීවේ උජාරුවෙනි.
"නොදකිං හෝම්ස්.උඹ සැම්සුන්ග් එකක් පාවිච්චි කරන ගමන් HTC වලට කඩේ ගියා.උඹ පාවාදෙන්නෙක්,දේශද්රෝහියෙක
"වෑඈඈ...හ්.අනෙ හු#ත.ඔය කොයික තිබ්බත් වැඩක් නෑ බං රීලෝඩ් එකක් දාගන්න අතේ සතේ නැත්නම්." හෝම්ස් කීවේය.
"ඇත්තමයි හෝම්ස්.කොහොම අපි ඇත්තටම හොඳ ෆෝන් එකක් අඳුරගන්නෙ." මම ඇසුවෙමි.
"කොච්චර මොන මොන ඉලම්පහුරු තිබුනත් හොඳ ෆෝන් එකක් නම් චාජ් කරල විනාඩි විස්සෙන් බැටරිය බහින්න ඕන මිත්රයා.එහෙනං ඒක හොඳ ෆෝන් එකක්" හෝම්ස් කීවේ ජොකා පල්ලෙන් අත දමා ව#ල කසන අතරතුරදීය.එවෙලෙහිද හෝම්ස්ට මිස්කෝල් එකක් වැදිනි.හෝම්ස් එවරද විරාම ඝටිකාව ක්රියාත්මක කර යමක් සටහන් කරගත්තේය.
"මොකක්ද බං උඹ ඔය කරන්නෙ?" මම ඇසුවෙමි.
"මේ ගල් චමරි මිස්කෝල් ගහන්නෙ බං.එදා මැයි රැලියෙදි නම්බරේ ගත්තට මොකද කරුමෙට අපෙ රත්තරං අගමැතිතුමා දෙවනිද ඉඳල වැට් එක ගහන්න තියාගත්තනෙ හු#ත.ගාස්තු වැඩිවෙච්ච නිසා අරකි මෙසේජ් එවන්නෙ නෑ බං.මිස්කෝල් තමයි ගහන්නෙ.ගහන මිස්කෝල් එකේ දිග පළල මැනල මං හිතාගන්න ඕන ඒකි කියන්නෙ මොකක්ද කියල.මේකි එක ළඟ මිස්කෝල් දෙකක් ගහන්නෙ මිනිහ ගෙදර නැති වෙලාවට." හෝම්ස් කීවේ කුප්ප සිනහවක් දමමිනි."අප්පිරියයිනේ හෝම්ස් අරූ බදු ගහන්න තියාගත්තම අපිට බඩු ගහන්න විදියක් නැති උනා.ඔය විදියට මිස්කෝල් එකෙන් ඒකි කියන දේ තේරුම්ගන්න පුලුවන්ද හෝම්ස්.ඒක ලේසි වෙන්ට බෑ." මම කීවෙමි.
"ලේසි උනේ නෑ වොට්සන්.තියෙන ආර්ථික බංකොලොත් භාවයත් එක්ක මට ඒකට පුරුදුවෙන්න උනා දැන් මං ඒ විෂයේ ප්රවීණයෙක්."මිස්කෝල් භාවිතයෙන් සංකීර්ණ පණිවිඩ හුවමාරුව' කියල මං පොත් පිංචකුත් ලියල ඇති.උඹට ඕනනං කියවල පුරුදුවෙයං.මේ දවස් ටිකට කොල්ලො සීයක් විතර ඇවිත් ඒක ඉල්ලගෙන ෆොටෝකොපි ගහගත්තා." හෝම්ස් කීවේය.
"අනේ මටනං ඕක එපා හෝම්ස්.ඕකෙන් පුරුදුවෙලා අපෙ ගෑණිත් මට මිස්කෝල් ගහන්න තියාගත්තම මට මේ දිනූ නිදහස නැතිවෙනව.දැන් ඉස්සර වගේ ගෑණි මට කෝල් දිදී හොයන්නෙ නෑ.ඒ අතින් බලද්දි ගාස්තු වැඩිවෙච්ච එක මට නම් හොඳයි හෝම්ස්." මම කීවෙමි.
"ඒ කියන්නෙ දුරකථන ගාස්තු වැඩිකරපු එකෙන් සතුටට පත්වෙන එවුනුත් ඉන්නව.ඒවයින් කාරියක් නෑ වොට්සන්.ඔය පත්තරේ පොඩ්ඩක් අරන් බලහං." හෝම්ස් කීවේය.
"ජොයින්ට් පොල්ලක් ඔතන්නද.ඉඳහං මගේ ලඟ පේපර් ඇති." මම කීවේ සතුටිනි.
"නෑ හු#තියේ.ඔය ලංකාදීප පත්තරේ අරං බලපිය.නිව්ස් එක." හෝම්ස් ගුගුලේය.ස්ටූල් එක මත තිබුනු ඉරිදා ලංකාදීප පුවත්පත අතට ගත් මා එය කියවන්නට ගතිමි.
"ඇමතිමේනියා & සමර්ස්ලෑම් 2016
@ පාල්ලිමන්ට් ඩී.සී.
මේන් ඉවෙන්ට් Thriceපෙරුම vs Pleasant රණවීර
බුහා හහ් හහ් හා..."
"ඔය ගෝරිය වැඩක් නෑ මිත්රයා.ඕකෙ තනිකරම තියන්නෙ අර Thriceපෙරුම කාරයගෙ පොයිය විතරයි.ඌ කරාටි කෙරුවය කියල හෙන පම්පෝරියක් ගහල බං.උගෙන් ගුටිකාපු නැති එකෙක් මේ ඒරියල් එකේ නැතිලු.හිටපු අගමැතිතුමත් උගෙන් ගුටි කෑවලු.අනේ හු#ත.ඒක වැඩල්ලෑ බං අනිත් එක කියෝහං." හෝම්ස් කීවේ මට මල්තෝර බීඩියක්ද දෙමිනි.
"අනිත් එක මොකක්ද?...සැඳැල්ලද?"
"මට ඔය නිළියන්ගෙ පට්ටන්දර උඹට පෙන්නන්න ඕන නෑ හු#තෝ.රසවිත කෑල්ල කියෝහං." හෝම්ස් කෑගැසීය.
"අතිගරු මාලන් සැමුවෙල්ස් සාමිවරයාට මෝල තද වේ." සිරස්තලය එසේ සටහන් විය.
"ජිල්ටොක්ස් ජංකි සමාගම,කිඩාරම් සුවඳ හඳුන්කූරු සමාගම,බොම්බෙලිගොඩ කරෝල කොරිය,හිතලයිදෝ නැත්දෝ පිට කසන කම්බිකූරු සමාගම,හුකාරිස් තෙල් මෝල,අනේ නාරායන හක්ගෙඩි කඩය ඇතුලු ව්යාපාර විශාල ප්රමාණයක හිමිකරු වූ දේශමාන්යය,පොයිශූරි ගරු මාලන් සැමුවෙල්ස් සාමිවරයා මෑතක සිට දරුණු උමතුවකින් පෙලේ.ඔහු පොම්නයෙකු වගේ යැයි කියමින් විරුද්ධවාදීන් කටකතා පැතිරවූවද සාමිවරයා,අපේ රත්තරං අගමැතිතුමා අනුගමනය කරමින් ජීවත් වූ බව නොරහසකි.නමුත් මෑතක සිට ඔහුගේ මෝල අධික ලෙස ඉහල ගොස් ඇති අතර ඔහුගෙන් බේරීමට නොහැකිව බංගලාවේ සේවය කල තරුණ සේවිකාවන් විශාල ප්රමාණයක් රැකියාවෙන් ඉවත්වී ගොස් ඇති අතර ඉතිරි සේවිකාවන් කිරල ඇබ දෙක බැගින් භාවිතා කර ආරක්ෂාව සලසාගන්නා බව ආරංචි මාර්ග පවසයි.ඔහුට මේ එකවරම සෑදුනු මෝල් කුලප්පුව ගැන තමා පුදුමයට පත්වන බවත් සේවිකාවන්ට කරදර කරන්නේ නැත්නම් ඕක ඔන්න ඔහෙ තිබුනත් කමක් නැති බවත් සැමුවෙල්ස් ආර්යාව සිනාමුසු මුහුණින් පවසා ඇත.සාමිවරයාව පරීක්ෂා කිරීමට පැමිණි වෛද්යවරුන් රෝගයක් විනිශ්චය කරගැනීමට නොහැකිව අසරණ වී ඇති අතර ප්රතිකාර කිරීමට පැමිණි එක් වෛද්යවරයෙක් සාමිවරයාගේ අතවරයටද ලක් වී තිබේ.මෙම ගැටලුව පිටුපස දරුණු අභිරහසක් පවතින බවත් ඒ පිළිබඳ තමා දැනටමත් විමර්ශනයක් ආරම්භ කර ඇති බවත් කොටදෙණියාඩ් පොලීසියේ රහස් පරීක්ෂක ඇජිත්රෝහන් මහතා පවසා ඇත.
අදත් පිටපත - මහින්ද අබේසුන්දර."
"ඒක නම් බොහොම බැරෑරුම් ගැටලුවක් හෝම්ස්.අධික කුපාඩිග්භූතයි." මම කීවෙමි.
"ඒක නම් එහෙම තමයි වොට්සන්.මෙන්න බලපං මට අද උදේ ආපු විදුලි පණිවිඩේ." හෝම්ස් මට ටෙලිගැරැං කොලයක් දික් කලේය.
"අරූට මෝල.මටයි කැක්කුම.පිහිටවෙයං හෝම්ස්" විදුලි පණිවිඩය එසේ සඳහන් වී තිබිණි.
"කවුද හෝම්ස් මේ ටෙලිගැරැං එක ගහල තියන්නෙ" මම ඇසුවෙමි.
"ඔය අර මාලන් සැමුවෙලාගෙ ගෑණි හැමිනිලාද සැමුවෙල්ස් ආර්යාව බං.දුරකථන ගාස්තු වැඩිවෙච්ච නිසා කුම්මැහිකමට ඒකි ටෙලිග්රෑම් එකක් එවල.මේ ගැටලුව මට භාර දෙන්න ඕනවෙලා වෙන්නැති.මාත් විදුලි පණිවිඩයක් යැව්ව අද එන්න කියල.තව ටිකකින් එයි." හෝම්ස් කීවේය.
"ඒක කෑල්ලක්ද හෝම්ස්?" හෝම්ස් දුන් බීඩිය දල්වාගන්නා අතරතුර මම ඇසුවෙමි.
"හ්ම්ම් ආරංචි හැටියට නම් කතාව එහෙම තමයි වොට්සන්.සුදු ටිකක් පොෂ් පාරක් කියල තමයි ආරංචි.සැමුවෙල් සාමියා හැට පැනපු නාකි දර හැවක් උනාට මේක අවුරුදු 28ක විතර මස් කෑල්ලක් කියල තමයි හන්දියෙ වීල් පාක් එකේ එවුන් කිව්වෙ." හෝම්ස් කීවේ සතුටිනි.
අපගේ නවාතැනට ඔබ්බෙන් මාවතේ අශ්ව කරත්තයක් නතර කරන හඬ පැහැදිලිව ඇසිනි.
"මල හු#තයි වොට්සන් අර ගෑණි ඇවිල්ලා." හාන්සි පුටුවේ සිටි හෝම්ස් පු#ට කඩියෙක් ඇන්නාක් මෙන් නැගී සිටියේය.ඔහු විගහට කාමරයට ගොස් බෝල සරමක් හා බැනියමක් ඇඳගෙන ආවේය.පොර මූණෙ පවුඩර් ගා තිබුනු බව මට ලාවට දැකගත හැකිවිය.
මද වෙලාවකින් අපගේ නවාතැනේ පඩිපෙළ නැගගෙන අයෙකු ඉහත මහලට ශබ්දය ඇසිනි.නැගුණු හඬ අනුව එය හයිහීල් එකක් තරප්පුවේ ගැටෙන ශබ්දය බව හෝම්ස් මෙන්ම මාද හඳුනාගත්තෙමි.තව මොහොතකින් මෙතෙන්ට කෑල්ලක් බහින නිසා මගේ ගතේ හෙන හීං කුචියක් නැගීගෙන යන ලයින් එකක් දැණිනි.ඉස්කෝලෙදි කට්ටිය එක්ක වටවෙලා ඉඳන් කන්න සෙට් වෙලා බත් එක දිග අරිනකං මල පෙරේතකමෙන් බලං ඉන්න කාඬාලි ඕලෙවල් ශිෂ්යයෙක් මෙන් දෙඅත්ල එකට අතුල්ලමින් කෑදර මූණෙන් දොර දිහා බලා ඉන්න හෝම්ස් කාරයා දුටුවිට ඌත් මම වගේම කුයික් වී ඇතිබව මට වැටහිණි.අපි පුල පුලා බලා සිටි ඒ මොහොතේ අපගේ නිවහනේ සීනුව නාද විය.
"ආ...ඇතුලට එන්න සැමුවෙල්ස් ආර්යාවෙනි." හෝම්ස් උස් හඬින් කීවේය.
*දෙවනි කොටසින් හමුවෙමු*
No comments:
Post a Comment